[b]
عدنا باذن الله
اخوانى الاعزاء
ناس كتير سمعت اغنيه لمطرب اسمه اكمل ( ادى الحكايه )
حد فيكم قبل كده ركز فى كلمات الاغنيه دى ؟
كلمات الاغنيه بتقول
ادى الحكايه وادى احنا فيها كل واحد فينا ايده فوق عينيه
استغمايه وعشنا بيها طبعنا ولا احنا يعنى حنشتريه
عمر الحقيقه ما كانت عذاب بس نقبل مره واحده نشوف حقيقه نفسنا
دايما عيوبنا كدب وسراب مش حنبقى فى يوم ملايكه مهما نخدع بعضنا
ادى الحكايه وادى احنا فيها كل واحد فينا ايده فوق عينيه
استغمايه وعشنا بيها طبعنا ولا احنا يعنى حنشتريه
دايما بنكدب وننسى احنا ايه الف حاجه وحاجه فينا بس مين شايف كده
عيبك باينلك وساكت عليه كل واحد فينا شايف نفسه اجمل من كده
ادى الحكايه وادى احنا فيها كل واحد فينا ايده فوق عينيه
استغمايه وعشنا بيها طبعنا ولا احنا يعنى حنشتريه
لحد هنا كلمات الاغنيه خلصت
هي قصيرة جدا طبعا
تعتبر كوبليه واحد ....
يا ترى مين شايف نفسه ممكن يغنى الاغنيه ويكون مقتنع ان
كلماتها منطبقه عليه
طبعا كل واحد فينا عارف ان له عيوب لاننا مش ملايكه ولو
سالت حد عن عيبه يختار الاقل حده طبعا
حيقولك مثلا ( انا عصبى موت ) ( عنيد جدا ) العيوب الحلوه
دى الى
تخلى اى بنت تدخل تقرا الموضوع تقول ( يااااااى دا نسخه من
سى
السيد اياااااااااه )
تعالى بعد كده اسأل واحده من البنات عن عيوبها حترد بمنتهى البراءه
وتقولك ( انا عيبى انى طيبه زياده عن اللزوم - عيبى ان دموعى
قريبه اوى من اقل شئ تلاقينى اعيط ) وطبعا خد عندك بقى من العيوب
الرقيقه دى كتير ....... انا شخصيا لو دخلت منتدى ولقيت واحده هى دى
عيوبها اكيد طبعا حطلب من ادراه المنتدا نمره تليفون ابوها عشان
أتقدم لها فورا ههههه
انا عارف ان فيه ناس كتير بتتعامل مع المنتدا على انه وسيله تسليه
وصدقونى اوقات بيبقى احلى من الشات بكتير
لكن بردو فيه ناس بتتعامل مع المنتدا على انه دنيا كامله وانا شايف
نفسى واحد منهم
بسعى بجد يكون لى صداقات من المنتدى وعشان كده انا مش حكدب
عليكم
ولو حد سالنى عن عيوبى حقولها بمنتهى الصراحه
وده على فكره حيساعدنى انى اعرف عيوبى واعالجها لان واجب
الصديق تجاه صديقه انه يشاور له على عيبه ويقولو ا حاول تغير دى
حتكون احسن لو بطلت كذا او لو عملت كذا بدل كذا
وطبعا انا عارف اول نصيحه حيكتبهالى الناس الى اعتبرونى اصدقاء هنا
بعد ما يقرو كلامى ده
( حيقلولى طبعا اوعى تكتب فى المنتدى ده تانى ههههههههههه )
ومع ذلك انا عند كلامى
لانى مؤمن تماما ان مفيش حد عاوز يبقى وحش انما فيه ناس مش
عارفه ان الى هما فيه ده وحاشه
يعنى ممكن تكدب وانت مسمى الكدب دبلوماسيه ( اه يا عم الحج انت
عاوزنى اقول الحقيقه كده خبط لزق دا حته تبقى وقاحه ) يا سلام دا
انت مقتنع بقى ان الكدب دبلوماسيه طبعا مقتنع لان مفيش حد يحب
يبقى كداب
وممكن تكون سمج ( وتسمى دا رزانه ) ايوه تلاقيه تنح كده تهزر
معاه وبكلمه غايه فى الادب تلاقيه رد عليك باتسامه
صفرااااااااااااااااااااااااااااااااااااااااااااااا ااااااااااااااااااااااااااااااااااااااااااا
تحسسك انك عديت فى غيط عباد الشمس وطبعا يا سلام لو فيه ناس
حتحس انك بقيت فى نص هدومك ....وطبعا ولانك ما غلطتش ولا هزرت
هزار تقيل حتلاقى حد يوشوشو كده ويقولو حرام عليك يا راجل
احرجت الواد .. يقوم رادد بمنتهى التناحه ويقول واعملو ايه انا زى
ما انت شايف كده رزين ما احبش لعب العيال ده
تعبت من كتر الكلام واكيد انتو كمان صدعتو
يا ترى بقى انت عيبك اييييييييييييه؟
الأحد سبتمبر 29, 2013 11:02 am من طرف ahmedyounes
