[b]مين منا مكنش فى يوم مع شله واصحاب
ودلوقتى لما بيفتكر بيقول
كانت أيام حلوه
مين منكم مكنتش فى يوم مع صحباتها ولو ليوم واحد
ودلوقتى لما بتفتكر بتقول
كان يوم حلو
لان اللمه هيا الصحبه هيا الاخوه هيا الصداقه
هيا المحبه فى الله لله
ولو اللمه فيها الاحترام ... فيها الثقه ... فيها الكلام الهادف ... فيها التهريج الراقى
اكيد هتبقى احلى
واللى يغيب مننا مين بيسال عنه ومين بيلاحظ غيابه
مشاغل حياتنا بتليهنا حتى عن نفسنا
وفى كتير بيفرحوا بيبقى نفسهم يقولوا للكل احنا فرحانين
عاوزين يعبروا ويفرحوا مع اللمه
واللى متضايق ولا مخنوق ونفسه يتكلم بس عاوز حد يسمعه
واللى تعبان ونفسه بس حد يسال عنه
فى اللمه هنحس بغيابه ونسال عنه
دى دعوه خير
نتكلم فيها كلنا عن مشاكلنا عن افراحنا
وطبعا بعيدا عن الخصوصية
نسأل على اللى يغيب مننا
ونطمئن على المريض لا سمح الله
وندعى للى رايح امتحان بالتوفيق
ونسمع اللى متضايق أو مخنوق
لمّـــــــتنا
هي الموده اللى بينا
هي الاحترام اللى هيسود كل كلمه هنقولها
فى لمتنا هنتكلم فى كل المواضيع
ونراعى ربنا فى كلامنا
فى لمتنا هنحاول نستفاد من بعضنا
هنضحك
هنهرج
هنضايق
هنزعل
هنفرح
بس فى الأخر كلنا أخوه وأخوات
ونطلع مفيش فى قلوبنا أى شيء من ناحيه بعض.
غير كل احترام وتقدير وموده
من حقك تتكلم فى أى موضوع
ورد على أي حد زي ما أنت عاوز
الموضوع للكل
اتناقش وقول رأيك
براحتك
ونبدا نشوف مين معانا فى
لمّــــتنا
سجل دخولك بالسلام على الكل
وأتكلم .. وأحكي .. وقول
...................
الأحد سبتمبر 29, 2013 11:02 am من طرف ahmedyounes
