الى اغلى ما فى حياتى

[b]إلى اغلى ما فى حياتى
ازيك يا حبيبى
عامل اية يارب تكون فى احسن حال
انت بجد وحشتنى اوى
من يوم ما مشيت وسبتنى والدنيا كلها وحشة اوى
مبقتش احس بطعم اى حاجة فى الدنيا
مبقاش فى حد يصحينى وانا رايحة الشغل ويعمل لى اللبن زى كل يوم
مبقاش فى حد يستنانى بلهفة زى الاول وانا احس انى مروحة جرى علشان اشوفة واحكى لة كل اللى حصل فى يومى
خلاص ايام الدلع والراحة انتهت
انت كنت صديقى وحبيبى ودنيتى
كان نفسى تقعد معايا شوية كمان لانى بجد محتجالك اوى
انت كنت امانى وضهرى وسندى
شوقى وحنينى ليك هيموتنى
النهاردة اول يوم لابنى فى المدرسة مين اللى هيذاكرلة ويعملة الواجب لغاية لما ارجع من الشغل
كل كلمة قلتهالى قبل ما تسيبنى لسة فاكراها
لسة فاكرة لما قعدت تحكى لى على الجنة وهنقابل مين فيها وهنعمل اية وانا مش مصدقاك وبهزر معاك وانمت تقولى واللة هروحها قبلكم كلكم
انا اتكسرت بعدك بجد
وحشتنى اوى يابابا
ربنا يرحمك ياحبيبى ويجمعنى بيك عن قريب

اذا اعجبك الموضوع و اردت نشره في المنتديات الاخرى فاستخدمي هذا الرابط:

I love you

» مسلسل :: اغلى من حياتى :: للنجم محمد فؤاد :: تم اضافة الحلقة ا الحلقه السادسة والعشرون:: تحميل مباشر :: متجدد يوميا