هى الرجاله المتجوزه بقى عليها سكر .؟ ولا ايه الحكايه .؟ تعالواااا فهمونى .....

[b]هى الرجاله المتجوزه بقى عليها سكر .؟ ولا ايه الحكايه .؟ تعالواااا فهمونى .....
بالله عليكم فهمونى

ايه الحكايه

ليه الراجل المتجوز محط انظار الاخريات
سواء بنت ولا مطلقه ولا ارمله ولا حتى متجوزه
..........
انهارده تليفون البيت
انا ....... السلام عليكم
واحده صوتها متدلع ..... وعليكم
هى ... الاستاذ (فلان موجود ) الى هو جوزى
انا .... لا والله مش موجود
مين حضرتك ...؟؟
هى ........ انا ( فلانه ) من فودافون
انا .... ايوا فى اى خدمه ؟؟
هى بصوت مخنف ومعرفش بتتكلم كده ليه.... لا هو كان عندنا دلؤقتى وكان عامل طلب فى تغيير خصائص وصله ال usb
ومحتاجه شويه معلومات
ممكن رقم موبيله ؟؟

انا ... ( بعد تفكير للحظات معرفش ليه مرتحتش ) قلتلها اى بيانات محتجالها ممكن اقولهالك
هى ... لا ادينى رقم موبيله ( حبه وكانت هتضربنى علشان تاخد الموبيل )
انا .... متاسفه مش هقدر اديهولك
هى ... ليه
انا ... هو طلب منى كده
هى ... ( بصوت كله عصبيه بعد الدلع )
انا لازم اخده
انا ... اسفه بجد مش هينفع ( وانا فعلا جبت اخرى معها )
هى .... طيب خدى رقمى اديهوله ؟؟
انا ... نعم ..
هى ... عادى علشان البيانات دى مهمه جدا
( وهى برده مستميته انها تاخد رقم تليفون جوزى)
انا .... هاتى الرقم وانا او صلهوله
هى .... ما صدقت وبفرحه كبيره اكتبى الرقم
كذا كذا ...
انا .... مع السلامه
هى .... قوليله انا اسمى ( فلانه )
انا ... اوك (يا فلانه )
هى .... اوعك تنسى ضرورى هستنى تليفونه
انا .... رزعت التليفون


جوزى على فكره موبيله موبنيل وهو سايب
فى فودافون رقم البيت والوصله دى جيبها
من فودافون علشان كان نازل عليها عرض

انا بقى كلمت جوزى
يا فلان انت كنت فى فودافون انهارده ..
قلى اه ليه قلتله واحده كلمتنى
وعايزه البيانات
قلى غريبه
قلتله ايه الغريبه بقى ؟؟؟
قلى دى اعدت تسالنى ساعتيين
وكل ما اديها البيانات ترجع تسال تانى
واخر ما زهقت ادتها البطاقه تاخد براحتها البيانات
للعاشر مره

بجد استغربت وهو استغرب اكتر منى
امال هى كانت متكلمه تاخد تليفونه ليه ؟؟؟؟؟
بجد ظاهره بقيت مرعبه
الواحده المفروض تروح مع جوزها كل حته
علشان تحرصه من الاخريات
ولا نروح معاهم الشغل كمان احسن
حاجه بقيت مفزعه ملاحقه اى راجل متجوز بالشكل ده
هى ايه الحكايه الرجاله المتجوزه عليها سكر ولا ايه ؟؟؟