[b]أمانة لا تعلقني معاك وتنسحب بسكات
أمانة كل ما يطري عليك البعد علمنّي
وأمانة لا تعيشني على رجوى زمان ٍفات
إذا هان الذي بيني وبينك حّن وأرحمني
وأمانة لا توقفني على باب الأمل لحظات
ترى كل شي يهون إلا تروح ولا تكلمنّي
وتراها كلمةٍ وحده بلا عذر وبلا إثبات
وإذا خفت الزعل منها تراها ما تزعلنّي
أنا أزعل يوم تنساني وأنا أتبع حلمي اللي مات
وأنا أذكر ما دهى قلبي مابغى من يذكرني
بداية قصتي كلمه وآخر قصتي أبيات
عذاب ٍكل ما طالت سنينه شفت الموت طاولني
أنا اللي ما وفى حظي سوا بالهم واللوعات
أمنّي قلبي الطيّب وأشوف الحظ خاينّي
أنا اللي ما أحتمل قلبي فراق اللي يبي هيهات
ألا لو يحتمل قلبي لا أجنّب من رحل عنّي
روى خدي من دموعي شبع قلبي من النكبّات
أظن الظن بأحبابي وما أسرع ما أختلف ظنّي
أزيف ضحكتي مهما بقى في خاطري ونّات
وأضمد طعنتي مهما ظروف الوقت ذلنّي
وترى لو شفتني أضحك وأجامل وأكثر الضحكات
ترى كل السنين اللي مضتلي ما ضحك سنّي
وإليّا مني فرحت بوقت بكيت في باقي الأوقات
وتبغاني بعد أسكت وترحل ما تعلمنّي
أمانه قلي ليش بديت معي من أول البدايات ؟؟
وأمانه ليه رحلت وبدون أسباب فهمني !!!
ترى ماني بناقص هم ودموع وحزن وآهات
أمااانة لا تعلقنّي بحبك لا تعلقنّي
أمانة يا آخر أحلامي أمانة يا أعذب الترفات
أمانة كل ما يطري عليك البعد النهائي علمنّي
الأحد سبتمبر 29, 2013 11:02 am من طرف ahmedyounes
