لو عايزة ترتبطى شوفى واسئلى مجرب واختارى وانتى حرة

[b]لو عايزة ترتبطى شوفى تجربتى واختارى وانتى حرة
السلام عليكم ورحمة الله وبركاته ازيكم يا فتوكات انا النهاردة قررت افضفض معاكم واحكيلكم تجربتى مع ولو قريتوا الموضوع ولاقيتوه يستحق التثبيت ياريت تقيموه عشان الكل يستفيد وخصوصا حبايبى اللى مرتبطين غير رسمى والى مش مرتبطين معلش لو طولت عليكم استحملونى اصلى رغاية ودى طبعا طبيعة الجنس اللطيف ههههههههه احكيلكم بقى يحسن تضربونى انا اتعرفت على شاب وحبيته وكنا كل يوم وكل ساعة وكل دقيقة وكل ثانية هههههههه بتكلم بعض لالا بهزر مش للدرجة انا بهزر معاكم أنا قصدى ان ماكانتش بتعدى لحظة الا واحنا بنتكلم فون او ميل بس صدقونى على قد فرحتى وانا بكلمه او وانا معاه على قد ما كنت ببقى حزينةكنت عاملة زى اللى بيسرق وخايف حد يشوفه او يسمعه وكنت ببقى هانام على نفسى بالليل وبضطر استنى لما اهلى يناموا عشان محدش يسمعنى والله كان قلبى بيدق مليون مرة فى الثانية من الخوف يحسن حد يسمعنى وكان دايما تانيب الضمير ملازمنى ومنغص علية عيشتى اولا لانى كنت دايما بقول هو انا خايفة من العباد ومش خايفة ولا مكسوفه من اللى خلقنى وخالقهم ومطلع علينا ثانيا انى بخون ثقة اهلى فية وكنت بقول مع نفسى ليه ما يكونش حبى ده فى النور ليه ابقى خايفة وانا بقابله ولا بكلمه ان حد يشوفنى او يسمعنى وليه اغضب ربنا واخون ثقة اهلى عشان واحد الله اعلم نصيبى ولا لا والله اعلم كمان هو يستحق التضحيات دى ولا لا صدقونى صعب قوى الواحد يحس بحلاوة عمل بيعمله واحساس الخوف من ربنا وتانيب الضمير ملازمينه صدقونى انا كان بيجى علية وقت كنت ببقى مكسوفة ارفع ايدى لربنا وادعى لان ماليش عين اقوله ارزقنى ولا وفقنى ماليش عين اقوله اجمعنى بالانسان اللى انا ماشية معاه وبغضبك عشانه لكن ربنا اراد هدايتى وانى ابدأ صح من الطريق الصح فاتصلت بالشخص اللى بحبه وقولتله احنا هانبعد عن بعض عشان نرضى ربنا لان علاقتنا دى ربنا مش هايبارك فيها لانه مش راضى عنها ولو لينا نصيب مع بعض ربنا هايلم شملنا ويجمعنا فى الحلال واكيد طالما احنا عايزين نرضيه هنلاقيه جنبنا وسيبت حبيبى عشان خاطر ربنا وانا واثقة ان ربنا هايعوضنى خير بيه او بافضل منه فمن ترك شيئا لله عوضه الله بخير منه هو فعلا يا حبايبى موضوع صعب انكم تبعدوا عن حد بتحبيوه وانا مقدرة ده لانى جربته بس صدقونى مع الوقت ولما حب ربنا يطغى على اى حب فى قلبك مش هاتحسى بالصعوبة دى وبلاش ندى ودانا لكلام الشيطان يعنى يقولك يابت قومى اديله رنة افتحى نفسى الواد او كلميه او ابعتيله رسالة فيها كلمتين حب حلوين بدل ما انتى سدة نفسه او روحى قابليه كل لما شوفك هايتعلق بيكى اكتر وحطيلك كده كيلوا بودرة فى وشك خليه يتحول لما يشوفك الشطان هايقولك مافيش جواز من غير صحوبية لو سيبتيه هاينساكى ويدور على غيرك يابنتى انتى هاتعقدى نفسك ليه كل البنات بيعمله كده هو انتى عايزة تعنسى ولا ايه عيشى حياتك وامشى معاه عشان تعرفى اخلاقه وتخليه يصرف عليكى يحسن يطلع بخيل ولا حاجة هههههههههه ويجى الشيطان يوم القيامة يضحك عليكى ويقولك انا مضربتكيش على ايدك لما مسكتى التليفون وكلمتيه وكمان مغصبتكيش لما دهنتى وشك كيلوا بلاستيك واتبهرجتى وروحتى تقابليه وخدتيه بالحضن هههههههه وكمان ممسكتش ايدك ولزقتها فى ايده وانتوا ماشين على الكورنيش وغيره وغيره وغيره يا جماعة لازم نطيع ربنا ونرضيه عشان هو كمان يرضينا فما عند الله لا يؤخذ الا بطاعته وكمان لازم يبقى عندنا ثقة فى وعود ربنا لينا مش تقولى ما انا لو مامشتش معاه مش هاتجوز ولا تقولى ما انا لو ماقولتلوش كلام حب هايقول علية قفل ولا واحد صاحبه هههههههه ولا تقولى انا خايفة لو سيبته ينسانى ماهو البعيد عنه العين بعيد عن القلب كل ده كلام غلط لو سيبتيه عشان ربنا ربنا هايجيبهولك بس فى الحلال وانتى معززة مكرمة وبعدين الجواز ده رزق يعنى كله بايد ربنا ولو هو نصيبك هاتلاقيه بيدق على بابك ولو بعد ميت سنة ربنا بيقول وبشر الصابرين وبيقول كمان وفى السماء رزقكم وماتوعدون ياحبايبى مابنى على باطل فهو باطل يعنى انتوا ارتباطكم باطل لانه بيغضب ربنا وكمان فى اطار غير رسمى ولو ربنا كرمكوا واتجوزتوا ربنا مش هايبارك فى عيشتكم ولا هايرزقكم المودة والرحمة اللى بيرزق بيها زوجين اتقوه فى معاملتهم قبل الجواز صدقونى ربنا حنين قوى ومش هايرضيه انكم تضحوا وتتعذبوا عشان رضاه ويحرمكم ابدا فمن اتقى الله يجعل له مخرجا ربنا بيوعدنا باننا لو اتقناه هايجعلنا مخرج وهايفك كربنا وانا واثقة فى وعوده ولازم انتوا كمان تثقوا فى وعوده فيااريت يابنات مانبعش رضا ربنا برضا العبد ياريت مانبعش اغلى شئ بلا شئ وتبقى الصفقة خسرانة دنيا واخرة معلش طولت عليكم بس انا قولتلكم فى الاول انى رغايه هههههههههه وشكرا ليكم انكم استحملتونى وياااااااااارب يرزقنا رضاه ويجمعنا بمن نحب على خير وفى الحلال عاجل غير اجل ان شاء الله ياريت ياجماعة ماتنسونيش بالدعاء ان ربنا يجمعنى بحبيبى عاجل غير اجل ان شاء الله وكمان ادعولى ان ربنا يسخر قلب اهلى لية ويوافقوا انى اتنقب لانهم مش راضيين معلش انا طماعة وشكرا ليكم بحبكم فى الله وهاستنى ردودكم

» وصفات للشعر من الطبيعة مجرب
» عايزة تجوزى يا ضنايا طب تعالى وانا الك اة والله خشى بس
» حصريا مسلسل عايزة اتجوز تم اضافة الحلقة الـ 19 ومتجدد يوميا