كل حب وانتو بحب ....... ومعانا اتصال تليفونى ونقول الووووووووووووووووو
مع مع برنامجنا الشهير:نبتدى حلقتنا اليوم ونتكلم عن الحب
الحب
ذلك الشعور السلبى الذي يزعزغ عقول البشر
و يهشك قلوبهم
مستمعينا لسه بنتكلم عن الحب وحلقتنا النهارده عن
الاستهبال في الحب
معاكم شريف سعدى علي نجوم fm مزيكا علي كيف كيفك
من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني
و ان تاتش و كريمات زحلقها
دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات و بوكسرات و انتوا عارفين ان انا عندي 24 سنة فحاسس بيكم و حاسس بمشاكل الجيل كلها ...
اولا الرصيد اللي بيخلص في يوم
و انت لسه شاحن كارت ب 100
و تفضل تحرق في دقايق علي حبيبتك
و في الاخر لما الرصيد يقرب يخلص تقولها بحبك بحبك امموووه
تقول كانت بتستهبل يا حبيبي اتلم لساورس يشوفنا < المهدل ابوها يعنى >
او حبيبتك اللي تفضل تكنسل عليك تكنسل عليك
عشان استخسرت فيها انك تشحنلها كارت ب10
و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل.. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك مصلحجيه زى واحده صاحبتنا اكيد عارفاها يا يا أعضاء لذة غرام بوك.... طبعا
و حبيبك اللي ييجي في اوقات يعمل فيها عالم فلك
و يقولك انا بقرا الكف
و يفضل يفعص في كف ايدك ولا كأنه شاف ايدين قبل كدا
و في الاخر تقوليله
انت بتستهبل ؟؟ حد يشوفنا
و انتوا اساسا قاعدين في الشارع وميدان التحرير كله شباب الثوره وبيبص عليكم ههههههههههههه
مستمعينا..الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي
مستمعينا مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني
و ان تاتش و كريمات زحلقها
ياما زحلقها
نستقبل اول اتصال تليفوني و نقول الوو
- الوو
- الووو
- الووووو
- واضح ان الخط قطع
- الوو ايوا يا ثريف لا شريف من فضلك
- اهلا نتعرف بيكي ..
- بثـمه من بنـــــــــــــ ـــها
- اهلا بيكي يا بسمه ياريت تعلي صوتك شويه
- معلش يا ثريف يا ستى قولتلك شريف انا بتكلم من تحت البطنية ..
- مفهوم طبعا عشان محدش يقفشك و انت بتتكلمي
بسمه بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه
- بص يا ثريف اووووووووووووووووف ماشبها ثريف اولا انا بموت موت موت جدا طحن في البرنامج بتاعكم و والله مش بفوت ولا حلقة منه ابدا خالث
و ثلملي علي الشقي الحكروت موت موت شيكا و قوله انه لذيذ اووووي و بنحبه مووت موووت ..
- هو بيضحك وفاتح بقه اهو زي الحمار ههههههههههه
و بيقولك مرسي ليكي يا بسمه
- يا ثريف انا بكلمك عشان الحلقة بتاعتك النهارده
مخثووووووث عشاني
انا كنت بحب واحد و انا في 2 ابتدائي و فضلنا نحب بعض للجامعة
- جميل
- اهـء اهـء اهـء
- لا اهدي يا بسمه و قوليلي ايه اللي حصل
- يا ثريف اخد كل حاجة كل حاجة
اححمم
حتى الموبايل
- يا ثريف بقولك كل حاجة
اهـء هـء هـء
كل حاجه كل حاجه حتى ال ؟؟؟؟؟؟؟؟؟؟؟؟؟؟
اه
اهئ اهئ اهئ
ما انتى هبله بنت هبله
المهم
- طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر
و لازم الاتنين يكونوا متفاهمين و متعاونين
هو دا الحب اللي هايدوم طول العمر
و بكدا نحل كل المشاكل اللي تقابلنا
حتى مشكلة غسيل الالوان مع الابيض ..
لان تايد برغوته الجديدة حل المشكله
مستمعينا
نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك بهديلك اغنية السوبر ستار عمرو دياب ....
يا قاعدة علي الترعه و بتغسلي المواعين
جاتك ستين وكسه دي هدومك بقت في الطين
من اللى عمله
نص ساعة اعلانات ..
برنامج للحب و عن الحب
معبرنامجنا:
الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب... كالشجرة بدون موبايل ..
مستمعينا لسه بتكلم عن الحب و لسه بنسأل عن الاستهبال في الحب
مستنيين تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم
برعاية ابليس كومباني
و ان تاتش و كريمات زحلقها
و بيبسي و كوكا كولا و تايد و برسيل و اومو و اريال..
الوقت بيمر معاكم بسرعة و شيكا بيضحك
مش عارف علي ايه بس تقريبا عشان البت اللي بتبيع ترمس علي كوبري ستانلى حولت له 5 جنية رصيد .. طول عمره فلاتى وبتاع نسوان بس احترسى منو انتى وهيا ده بيشتغل اتحن ارشانه ها انتى حره
ايه.. ؟؟ اااه عشره جنيه رصيد
طيب اشطه يا شيكا .. اخوك بقا هاه ويموت لو مبعكش فى اقرب محطه
نستقبل اتصال تليفوني و نقول الووو
- الووو
الووو
الوووووو
الظاهر الخط قطع
- الوو ايوا يا شيرى - اهلا نتعرف بيكي
ياريت تعلي صوتك لان الصوت بعيد اوي
- معلش اصل انا بكلمك من الحمام
انا اسماء من المنصورة
- اهلا بيكي يا اسماء..
سمعاك بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب
- شيرى انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا شيرى
- ربنا يخليكي يا اسماء ..
- انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف قام ضــ
- مين يااسماء ؟؟
- شلحف هو اسمه شادي... بس انا بدلعه شلحف اه اتلاقيكى مسجله خطر
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا شيرى و مش عارفه اعمل ايه
و اهلي بيضغطوا عليا مووووت مووووت
عشان اتجوز واحد قد ابويا
شيرى انا مش عارفه اعمل ايه
- بصي يا سيدة
- اسماء
- اه سوري... بصي يا اسماء
بنقابل ناس في حياتنا بنحبهم و بيحبونا
و ديما كتير بنكون شبهمم و زيهم.. حتى الحب نفسه
ساعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من
حديد عز اكبر مصنع في الشرق الاوسط
و المصدر الرسمي لحديد الجدار العازل
كان حبيبك زمانه مشنوق دلوقتي
لان حديد عز يتميز بالصلابه والقهوه والسيخ مظبوط و بالتمام
شكرا يا ساره على اتصالك و بهديلك اغنية السوبر ستار محمد فؤاد
يا مسجون في لومان طره
نفسي اكل معاك كوز دره
مستمعينا لسه بتكلم عن الحب و لسه بنسأل عن الاستهبال في الحب
مستنيين تعليقاتكم علي 6066 او علي 8555022
او علي ايميل البرنامج
علي هواك أت نيل راديو بروداكشن دوت كوم
برعاية ابليس كومباني
و ان تاتشو كريمات زحلقها
ومعانا اول واخر اتصال تليفونى
ونقول الووووووو
ربنا يستر
هههههههههههههههه
الووووووووووووووو