قصه الحب عالنت .. حب وجواز واخرتها !!!

دى قصة اتنين حبوا بعض على النت واتجوزا و اتطلقوا
جزء الحب

بعد التعارف على النت قرروا يتقابلوا

حبيبى انت جيت ....

ايوه يا حبيبتى امال خيالى .. انتى مش شايفة اسمى اون لاين ؟ يبقى انا جيت
ده سؤال يا سوسو ؟

آسفة يا توتو .. اصل فرحتى بظهورك طيرت عقلي
ها ...قوللي بقى
عملت ايه امبارح اما خرجت انا اوف لاين ؟

معملتش حاجة ابداً
قعدت في رووم اسمع اغاني

آه , واظن الست دلوعة كانت موجودة
وحياتك كانت موجودة بس عملتلها بلوك

ممممم
يعني مكلمتهاش

لا
ولا حتى هاي

لا هي سلمت عليا فى الرووم قبل ما اعمللها بلوك و انا قلتلها برب

اها
طب كويس
يا ريت تعمللها ديليت خالص من الليست

عينيه يا حبيبتى انتى تؤمرينى بس

الجزء الثانى
الجواز

أخيرا يا حبيبتى اتجوزنا و اتقفلت علينا رووم واحدة

ايوه يا حبيبى أخيرا
بس مال الصوت بيقطع هنا ليه ؟

يا ستى واحنا هانعوز الصوت فى ايه
اعملى ميوت
ههههههههه

على رأيك...

باقوللك ايه ؟

ها

عملتى باس وورد للروم , احسن نلاقي الناس جاية ورايحة علينا

اطمن عملت باس وورد طبعا و لا يهمك
بعدين انت بقيت آد من البيت
يعني اي حد مش على مزاجك
باند على طول

يوم الطلاق

انتى يا ولية ..

ولية !!!
أنا ولية ..
انت ناسي أد ايه حفيت عليا فى الروومات و الماسينجرات ؟
ان كنت ناسى افكرك

كان يوم اسود ياختى يوم ما عملتلك آد "add"
يا ريتنى كنت برب"brb" و لا ديس كونيكت مكنتش شفت خلقتك

نعم نعم
مالها خلقتي .. مش كنت بتموت عشان تشوفني على الكام
وكل شوية تقوللي فين كامك " الكاميرا"

كنت أعمى و أضبش و أطرش .. ارتحتى !!

يا خاين يا غدار
يخونك اللى بيننا؟

ده احنا بيننا روومات و هىء ومىء و دوت و كوم "dot, com"
يخونك الإنفيتات اللى كنت بابعتهالك عشان تبقى جنبى فى الروومات
خلاص نسيت الإيميلات و السهرات
انت أكيد فى مخك فيروس عاوزلك فورمات
بقى يرضيكم ياهووووووووو
ياخدنى أون لاين
يرمينى أوف لاين
منك لله
من النهاردة انت إنفيزيبل فى حياتى

وانتى ريموف بالتلاتة ...

حلوه شهد تسلم اديكي يسلمو علي المجهود شهد